حَدَّثَنَا الْقَعْنَبِيُّ عَنْ مَالِکٍ عَنْ أَبِي الزِّنَادِ عَنْ الْأَعْرَجِ عَنْ أَبِي هُرَيْرَةَ قَالَ قَالَ رَسُولُ اللَّهِ صَلَّی اللَّهُ عَلَيْهِ وَسَلَّمَ کُلُّ مَوْلُودٍ يُولَدُ عَلَی الْفِطْرَةِ فَأَبَوَاهُ يُهَوِّدَانِهِ وَيُنَصِّرَانِهِ کَمَا تَنَاتَجُ الْإِبِلُ مِنْ بَهِيمَةٍ جَمْعَائَ هَلْ تُحِسُّ مِنْ جَدْعَائَ قَالُوا يَا رَسُولَ اللَّهِ أَفَرَأَيْتَ مَنْ يَمُوتُ وَهُوَ صَغِيرٌ قَالَ اللَّهُ أَعْلَمُ بِمَا کَانُوا عَامِلِينَ قَالَ أَبُو دَاوُد قُرِئَ عَلَی الْحَارِثِ بْنِ مِسْکِينٍ وَأَنَا أَسْمَعُ أَخْبَرَکَ يُوسُفُ بْنُ عَمْرٍو أَخْبَرَنَا ابْنُ وَهْبٍ قَالَ سَمِعْتُ مَالِکًا قِيلَ لَهُ إِنَّ أَهْلَ الْأَهْوَائِ يَحْتَجُّونَ عَلَيْنَا بِهَذَا الْحَدِيثِ قَالَ مَالِکٌ احْتَجَّ عَلَيْهِمْ بِآخِرِهِ قَالُوا أَرَأَيْتَ مَنْ يَمُوتُ وَهُوَ صَغِيرٌ قَالَ اللَّهُ أَعْلَمُ بِمَا کَانُوا عَامِلِينَ

قعنبی، مالک، ابوزناد، اعرج، حضرت ابوہریرہ رضی اللہ تعالیٰ عنہ فرماتے ہیں کہ رسول اللہ صلی اللہ علیہ وآلہ وسلم نے فرمایا کہ ہر نومولود بچہ فطرت پر پیدا ہوتا ہے پس اسکے والدین اسے یہودی اور نصرانی بنادیتے ہیں جیسے کہ اونٹ جانور سے صحیح سالم پیدا ہوتا ہے کیا تم اسے کنکٹا دیکھتے ہو۔ صحابہ نے عرض کیا یا رسول اللہ صلی اللہ علیہ وآلہ وسلم جو بچپن میں مرجائے اس کے بارے میں آپ کا کیا خیال ہے؟ فرمایا کہ اللہ زیادہ جانتے ہیں کہ اس سے جو کچھ وہ (بڑے ہو کر) کرتے۔ امام ابوداؤد فرماتے ہیں کہ حارث بن مسکین کے سامنے میری موجودگی میں یہ حدیث پڑھی گئی انہیں یوسف بن عمرو نے بتلایا اور ابن وہب کہتے ہیں کہ میں نے مالک سے سنا ان سے کہا گیا کہ خواہشات کی پیروی کرنے والے اس حدیث سے ہم پر استدلال کرتے ہیں (کہ مذہب اور دین کی قیود سے آزاد رہنا چاہیے) تو امام مالک نے فرمایا کہ تم ان پر اس حدیث کے آخری جز سے استدلال کیا کرو جس میں صحابہ نے فرمایا کہ آپ کا بچپن میں مر جانے والوں کے بارے میں کیا خیال ہے؟ فرمایا کہ اللہ ان کے اعمال سے زیادہ واقف ہے۔

-