مشکوۃ شریف

جہاد کا بیان

جنگ میں حفاظت کے زیادہ سے زیادہ سامان استعمال کرنا توکل کے منافی نہیں ہے

وعن السائب بن يزيد : أن النبي صلى الله عليه و سلم كان عليه يوم أحد درعان قد ظاهر بينهما . رواه أبو داود وابن ماجه-

اور حضرت سائب ابن یزید سے روایت ہے کہ غزوہ احد کے دن نبی کریم صلی اللہ علیہ وسلم ( کے جسم مبارک ) پر دو زرہیں تھیں آپ صلی اللہ علیہ وسلم نے ایک دوسرے پر پہن رکھا تھا ۔ " ( ابوداؤد ، ابن ماجہ ) تشریح : اس حدیث میں اس طرف اشارہ ہے کہ جنگ کے کار آمد زیادہ سے زیادہ سامان فراہم کرنا اور میدان جنگ میں اپنی حفاظت کے لئے حتی الوسعت زیادہ سے زیادہ چیزوں کو اختیار کرنا جائز ہے ۔ اور یہ توکل کے منافی نہیں ہے ۔ "

-