مشکوۃ شریف

شراب کی حقیقت اور شراب پینے والے کے بارے میں وعید کا بیان

ہرنشہ آور مشروب حرام ہے

وعن عائشة قالت : سئل رسول الله صلى الله عليه و سلم عن البتع وهو نبيذ العسل فقال : " كل شراب أسكر فهو حرام "-

اور حضرت عائشہ کہتی ہیں کہ رسول کریم صلی اللہ علیہ وسلم سے بتع یعنی شہد کی نبیذ کے بارے میں پوچھا گیا (کہ آیا اس کا پینا جائز ہے یا نہیں ؟ ) تو آپ صلی اللہ علیہ وسلم نے فرمایا کہ " وہ مشروب جو نشہ لائے ، حرام ہے ۔" ( بخاری ومسلم) تشریح : اس حدیث میں تو " بتع " کو با کے زیر اور تا کے جزم کے ساتھ یعنی " بتع " نقل کیا گیا ہے جب کہ یہ بعض جگہ تا کے زیر کے ساتھ منقول ہے " شہد کی نبیذ" اس شہد کو کہتے ہیں جس کو کسی برتن میں ڈال کر رکھ چھوڑا جائے تاکہ کھجور کی نبیذ کی طرح اس میں ایک خاص قسم کی تیزی پیدا ہو جائے ، چنانچہ اس کے بارے میں آنحضرت صلی اللہ علیہ وسلم نے فرمایا کہ اگر شہد کی نبیذ بھی نشہ لائے تو وہ بھی حرام ہے اور تمر کی نبیذ کا بھی یہی حکم ہے کہا جاتا ہے کہ اہل یمن کی شراب یہی بتع ہوتی ہے ۔

-