مشکوۃ شریف

کھانوں کے ابواب

کھجور کی فضلیت

وعن عائشة رضي الله عنها إن النبي صلى الله عليه وسلم قال : " لا يجوع أهل بيت عندهم التمر " . وفي رواية : قال : " يا عائشة بيت لا تمر فيه جياع أهله " قالها مرتين أو ثلاثا . رواه مسلم-

اور حضرت عائشہ رضی اللہ عنہا سے روایت ہے کہ نبی کریم صلی اللہ علیہ وسلم نے فرمایا " اس گھر کے لوگ بھوکے نہیں رہتے جس گھر میں کھجور ہو۔" اور ایک روایت میں یوں ہے کہ آپ صلی اللہ علیہ وسلم نے فرمایا ۔" عائشہ رضی اللہ عنہا ! جس گھر میں کھجور نہ ہو اس گھر کے رہنے والے بھوکے ہیں ۔" آپ صلی اللہ علیہ وسلم نے یہ الفاظ تین مرتبہ فرمائے ۔' (مسلم ) تشریح بعض علماء نے وضاحت کی ہے کہ " اس گھر کے رہنے والوں " سے مراد اہل مدینہ اور وہ لوگ ہیں جن کی غذا کھجور ہے ۔ نووی نے کہا ہے کہ اس حدیث میں درحقیقت کھجوروں کی فضیلت و اہمیت کا بیان ہے ، اور اس کے ذریعہ اپنے گھر والوں کی غذائی ضروریات کے لئے کھجوروں کا ذخیرہ کرنے کے جواز کا اظہار اور اس کی ترغیب دینا مقصود ہے ۔

-