مشکوۃ شریف

حرم مدینہ کا بیان

مدینہ میں برکت کے لئے آنحضرت صلی اللہ علیہ وآلہ وسلم کی دعا

وعن أنس عن النبي صلى الله عليه و سلم قال : " اللهم اجعل بالمدينة ضعفي ما جعلت بمكة من البركة "-

حضرت انس رضی اللہ عنہ نبی کریم صلی اللہ علیہ وآلہ وسلم سے نقل کرتے ہیں کہ آپ صلی اللہ علیہ وآلہ وسلم نے (بطور دعا) فرمایا ۔ اے اللہ! مدینہ کو اس برکت سے دوگنی برکت عطا فرما جو تونے مکہ کو عطا کی ہے۔ (بخاری ومسلم) تشریح دعا کا مطلب یہ ہے کہ اے اللہ! مکہ کی شان و شوکت کی نسبت مدینہ کو دوگنی شان و شوکت عطا فرما، یہ دعا مدینہ پر مکہ کی فضیلت کے منافی بایں اعتبار نہیں ہے کہ مکہ میں حسنات کی زیادتی اس کے افضل ہونے کی سب سے بڑی وجہ ترجیح ہے۔