مشکوۃ شریف

قبروں کی زیارت کا بیان

ماں باپ کی قبروں پر جانے کا حکم اور اس کی فضیلت

وعن محمد بن النعمان يرفع الحديث إلى النبي صلى الله عليه و سلم قال : " من زار قبر أبويه أو أحدهما في كل جمعة غفر له وكتب برا " . رواه البيهقي في شعب الإيمان مرسلا-

حضرت محمد بن نعمان یہ حدیث نبی کریم صلی اللہ علیہ وآلہ وسلم تک پہچاتے ہیں کہ آپ صلی اللہ علیہ وآلہ وسلم نے فرمایا جو شخص ہر جمعہ کے روز یا ہفتہ میں کسی بھی دن اپنے ماں باپ یا ان میں سے کسی ایک کی قبر پر جائے اور وہاں ان کے لیے دعائے مغفرت و ایصال ثواب کرے تو اس کی مغفرت کی جاتی ہے اور اسے نامہ اعمال میں اپنے والدین کے ساتھ نیکی کرنے والا لکھا جاتا ہے۔ اس روایت کو بیہقی نے شعب الایمان میں بطریق ارسال نقل کیا ہے۔

-