مسند احمد

ا ب ج

حضرت جنادہ بن ابی امیہ ازدی رضی اللہ عنہ کی حدیث

مسنگ-

حضرت جنادہ ازدی رضی اللہ عنہ سے مروی ہے کہ ایک مرتبہ قبیلہ ازد کے سات آدمیوں کے ساتھ " جن میں آٹھواں میں تھا " جمعہ کے دن نبی کریم صلی اللہ علیہ وسلم کی خدمت میں حاضر ہوا نبی کریم صلی اللہ علیہ وسلم اس وقت ناشتہ کر رہے تھے نبی کریم صلی اللہ علیہ وسلم نے ہم سے فرمایا کہ آؤ ناشتہ کرو، ہم نے عرض کیا یا رسول اللہ ! صلی اللہ علیہ وسلم ہم روزے سے ہیں نبی کریم صلی اللہ علیہ وسلم نے پوچھا کیا تم نے کل روزہ رکھا تھا ؟ ہم نے عرض کیا نہیں نبی کریم صلی اللہ علیہ وسلم نے پوچھا کیا آئندہ کل روزہ رکھو گے ؟ ہم نے عرض کیا نہیں نبی کریم صلی اللہ علیہ وسلم نے فرمایا پھر تم اپنا روزہ ختم کردو چنانچہ ہم لوگ نبی کریم صلی اللہ علیہ وسلم کے ساتھ کھانے میں شریک ہوگئے پھر جب نبی کریم صلی اللہ علیہ وسلم باہر تشریف لائے اور منبر پر رونق افروز ہوئے تو لوگوں کو یہ دکھانے کے لئے کہ وہ جمعہ کے دن روزہ نہیں رکھتے پانی کا برتن منگوایا اور برسر منبر لوگوں کے سامنے اسے نوش فرما لیا۔

-