سنن ابوداؤد

نماز کا بیان

رکوع و سجود کے احکام اور رکوع میں گھٹنوں پر ہاتھ رکھنے کی کیفیت کا بیان

حَدَّثَنَا حَفْصُ بْنُ عُمَرَ حَدَّثَنَا شُعْبَةُ عَنْ أَبِي يَعْفُورٍ قَالَ أَبُو دَاوُد وَاسْمُهُ وَقْدَانُ عَنْ مُصْعَبِ بْنِ سَعْدٍ قَالَ صَلَّيْتُ إِلَی جَنْبِ أَبِي فَجَعَلْتُ يَدَيَّ بَيْنَ رُکْبَتَيَّ فَنَهَانِي عَنْ ذَلِکَ فَعُدْتُ فَقَالَ لَا تَصْنَعْ هَذَا فَإِنَّا کُنَّا نَفْعَلُهُ فَنُهِينَا عَنْ ذَلِکَ وَأُمِرْنَا أَنْ نَضَعَ أَيْدِيَنَا عَلَی الرُّکَبِ-

حفص بن عمر، شعبہ، ابویعفور، حضرت معصب بن سعد رضی اللہ عنہ سے روایت ہے کہ میں نے اپنے والد کے برابر میں نماز پڑھی تو میں (رکوع میں) اپنے ہاتھوں کو گھٹنوں کے بیچ میں رکھ لیا۔ اس پر انھوں نے مجھے اس سے منع فرمایا، میں پھر دوبارہ ایسا ہی کیا تو فرمایا ایسا نہ کیا کر۔ ہم بھی پہلے ایسا ہی کیا کرتے تھے لیکن بعد میں ہمیں اس سے روک دیا گیا اور ہاتھوں کو گھٹنوں پر رکھنے کا حکم دیا۔

-

حَدَّثَنَا مُحَمَّدُ بْنُ عَبْدِ اللَّهِ بْنِ نُمَيْرٍ حَدَّثَنَا أَبُو مُعَاوِيَةَ حَدَّثَنَا الْأَعْمَشُ عَنْ إِبْرَاهِيمَ عَنْ عَلْقَمَةَ وَالْأَسْوَدِ عَنْ عَبْدِ اللَّهِ قَالَ إِذَا رَکَعَ أَحَدُکُمْ فَلْيَفْرِشْ ذِرَاعَيْهِ عَلَی فَخِذَيْهِ وَلْيُطَبِّقْ بَيْنَ کَفَّيْهِ فَکَأَنِّي أَنْظُرُ إِلَی اخْتِلَافِ أَصَابِعِ رَسُولِ اللَّهِ صَلَّی اللَّهُ عَلَيْهِ وَسَلَّمَ-

محمد بن عبداللہ بن نمیر، ابومعاویہ، اعمش، ابراہیم، حضرت عبداللہ بن مسعود رضی اللہ تعالیٰ عنہ نے فرمایا جب تم میں سے کوئی رکوع کرے تو اپنے دونوں ہاتھ رانوں سے لگا لے اور دونوں ہتھیلیوں کو آپس میں ملا لے میں اس وقت بھی رسول اللہ صلی اللہ علیہ وآلہ وسلم کی انگلیوں کے اختلاف کو چشمِ تصور سے دیکھ رہا ہوں۔

-