سنن ابوداؤد

خرید وفروخت کا بیان

ذخیرہ اندوزی کی ممانعت کا بیان

حَدَّثَنَا وَهْبُ بْنُ بَقِيَّةَ أَخْبَرَنَا خَالِدٌ عَنْ عَمْرِو بْنِ يَحْيَی عَنْ مُحَمَّدِ بْنِ عَمْرِو بْنِ عَطَائٍ عَنْ سَعِيدِ بْنِ الْمُسَيِّبِ عَنْ مَعْمَرِ بْنِ أَبِي مَعْمَرٍ أَحَدِ بَنِي عَدِيِّ بْنِ کَعْبٍ قَالَ قَالَ رَسُولُ اللَّهِ صَلَّی اللَّهُ عَلَيْهِ وَسَلَّمَ لَا يَحْتَکِرُ إِلَّا خَاطِئٌ فَقُلْتُ لِسَعِيدٍ فَإِنَّکَ تَحْتَکِرُ قَالَ وَمَعْمَرٌ کَانَ يَحْتَکِرُ قَالَ أَبُو دَاوُد وَسَأَلْتُ أَحْمَدَ مَا الْحُکْرَةُ قَالَ مَا فِيهِ عَيْشُ النَّاسِ قَالَ أَبُو دَاوُد قَالَ الْأَوْزَاعِيُّ الْمُحْتَکِرُ مَنْ يَعْتَرِضُ السُّوقَ-

وہب بن بقیہ، خالد، عمر بن یحیی، محمد بن عمرو بن عطاء، سعید بن مسیب، معمر بن ابی معمر سے جو عدی بن کعب کی اولاد میں سے ہیں روایت کرتے ہیں کہ حضور صلی اللہ علیہ وآلہ وسلم نے فرمایا کہ ذخیرہ اندوزی نہیں کرتا مگر گناہ گار بندہ، محمد بن عمرو (جو راوی ہیں) فرماتے ہیں کہ میں نے حضرت سعید بن مسیب سے کہا کہ آپ تو ذخیرہ اندوزی کیا کرتے تھے، امام ابوداؤد فرماتے ہیں کہ میں نے امام احمد سے احتکار کے بارے میں دریافت کیا تو انہوں نے فرمایا کہ اس چیز کا ذخیرہ کیا جائے جس پر لوگوں کی زندگی کا انحصار ہو۔ امام ابوداؤد فرماتے ہیں کہ اما اوزاعی نے فرمایا کہ محتکر وہ ہے جو بازار میں رکاوٹ پیدا کرے۔

-

حَدَّثَنَا مُحَمَّدُ بْنُ يَحْيَی بْنِ فَيَّاضٍ حَدَّثَنَا أَبِي ح و حَدَّثَنَا ابْنُ الْمُثَنَّی حَدَّثَنَا يَحْيَی بْنُ الْفَيَّاضِ حَدَّثَنَا هَمَّامٌ عَنْ قَتَادَةَ قَالَ لَيْسَ فِي التَّمْرِ حُکْرَةٌ قَالَ ابْنُ الْمُثَنَّی قَالَ عَنْ الْحَسَنِ فَقُلْنَا لَهُ لَا تَقُلْ عَنْ الْحَسَنِ قَالَ أَبُو دَاوُد هَذَا الْحَدِيثُ عِنْدَنَا بَاطِلٌ قَالَ أَبُو دَاوُد کَانَ سَعِيدُ بْنُ الْمُسَيِّبِ يَحْتَکِرُ النَّوَی وَالْخَبَطَ وَالْبِزْرَ و سَمِعْت أَحْمَدَ بْنَ يُونُسَ يَقُولُ سَأَلْتُ سُفْيَانَ عَنْ کَبْسِ الْقَتِّ فَقَالَ کَانُوا يَکْرَهُونَ الْحُکْرَةَ وَسَأَلْتُ أَبَا بَکْرِ بْنَ عَيَّاشٍ فَقَالَ اکْبِسْهُ-

محمد بن یحیی، بن فیاض، ابن مثنی، یحیی بن فیاض، ہماد، قتادہ فرماتے ہیں کہ کھجور میں احتکار نہیں ہے۔ ابن المثنی (راوی) اسے حسن بصری سے مروی بتلاتے ہیں، محمد بن یحیی کہتے ہیں کہ ہم نے ان سے کہا کہ یوں نہ کہو کہ حسن سے مروی ہے امام ابوداؤد فرماتے ہیں کہ ہمارے نزدیک یہ حدیث باطل ہے۔ امام ابوداؤد فرماتے ہیں کہ حضرت سعید بن مسیب کھجور کی گھٹلی، تیل والے بیجوں کو ذخیرہ فرمایا کرتے تھے، امام ابوداؤد فرماتے ہیں کہ میں نے احمد بن یونس سے سنا وہ کہتے ہیں کہ میں نے سفیان ثوری سے سوال کیا جانوروں کے چارہ کی ذخیرہ اندوزی کے بارے میں انہوں نے فرمایا اس کی ذخیرہ اندوزی بھی مکروہ ہے لیکن یہی سوال ابوبکر بن العیاش سے کیا تو انہوں نے فرمایا کہ اسے روک لو (یعنی اس کی ذخیرہ اندوزی میں کوئی حرج نہیں)۔

-